(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.206. అధ్యాయః 206
Mahabharata - Shanti Parva - Chapter Topics
భీష్మేణ యుధిష్ఠిరంప్రతి భూతాదిజగత్సృష్టిప్రకారనిరూపణం॥ 1॥
తథా నారదోదితనృసింహాదిభగవత్ప్రాదుర్భావచరిత్రనిరూపణపూర్వకం శ్రీకృష్ణస్య సర్వోత్తమత్వప్రతిపాదనేన తద్ధ్యానవిధానం॥ 2॥
Mahabharata - Shanti Parva - Chapter Text

యుధిష్ఠిర ఉవాచ। 12-206-0x(6060)(73179)
పితామహ మహాప్రాజ్ఞ పుణ్·డరీకాక్షమచ్యుతం।
కర్తారమకృతం విష్ణుం భూతానాం ప్రభవాప్యయం॥ 12-206-1(73180)
నారాయణం హృషీకేశం గోవిందమపరాజితం।
తత్త్వేన భరతశ్రేష్ఠ శ్రోతుమిచ్ఛామి కేశవం॥ 12-206-2(73181)
భీష్మ ఉవాచ। 12-206-3x(6061)
శ్రుతోఽయమర్థో రామస్య జామదగ్న్యస్య జల్పతః।
నారదస్య చ దేవర్షేః కృష్ణద్వైపాయనస్య చ॥ 12-206-3(73182)
అసితో దేవలస్తాత వాల్మీకిశ్చ మహాతపాః।
మార్కండేయశ్చ గోవిందే కథయంత్యద్భుతం మహత్॥ 12-206-4(73183)
`కేశవస్య మయా రాజన్న శక్యా వర్ణితుం గుణాః।
ఈదృశోఽసౌ హృషీకేశో వాసుదేవః పరాత్పరః॥' 12-206-5(73184)
కేశవో భరతశ్రేష్ఠ భగవానీశ్వరః ప్రభుః।
పురుషః సర్వమిత్యేవ శ్రూయతే బహుధా విభుః॥ 12-206-6(73185)
కింతు యాని విదుర్లోకే బ్రాహ్మణాః శార్ంగధన్వని।
మహాత్మని మహాబాహో శృణు తాని యుధిష్ఠిర॥ 12-206-7(73186)
యాని చాహుర్మనుష్యేంద్ర యే పురాణవిదో జనాః।
శ్రుత్వా సర్వాణి గోవిందో కీర్తయిష్యామి తాన్యహం॥ 12-206-8(73187)
మహాభూతాని భూతాత్మా మహాత్మా పురుషోత్తమః।
వాయుర్జ్యోతిస్తథా చాపః ఖం చ గాం చాన్వకల్పయత్॥ 12-206-9(73188)
స సృష్ట్వా పృథివీం చైవ సర్వభూతేశ్వరః ప్రభుః।
అప్స్వేవ శయనం చక్రే మహాత్మా పురుషోత్తమః॥ 12-206-10(73189)
సర్వతేజోమయస్తస్మిఞ్శయానః శయనే శుభే।
సోఽగ్రజం సర్వభూతానాం సంకర్షణమచింతయత్॥ 12-206-11(73190)
ఆశ్రయం సర్వభూతానాం మనసేతీహ శుశ్రుం।
స ధారయతి భూతాని ఉభే భూతభవిష్యతీ॥ 12-206-12(73191)
`ప్రద్యుంనమసృజత్తస్మాత్సర్వతేజః ప్రకాశకం।
అనిరుద్ధస్తతో జజ్ఞే సర్వశక్తిర్మహాద్యుతిః॥ 12-206-13(73192)
అప్సు వ్యోమగతః శ్రీమాన్యోగనిద్రాముపేయివాన్।
తస్మాత్సంజజ్ఞిరే దేవా బ్రహ్మవిష్ణుమహేశ్వరాః।
లయస్థిత్యంతకర్మాణస్రయస్తే సుమహౌజసః॥' 12-206-14(73193)
తతస్తస్మిన్మహాబాహౌ ప్రాదుర్భూతే మహాత్మని।
భాస్కరప్రతిమం దివ్యం నాభ్యాం పద్మమజాయత॥ 12-206-15(73194)
స తత్ర భగవాందేవః పుష్కరే భ్రాజయందిశః।
బ్రహ్మా సమభవత్తాత సర్వభూతపితామహః॥ 12-206-16(73195)
తస్మిన్నపి మహాబాహౌ ప్రాదుర్భూతే మహాత్మని।
తమసః పూర్వజో జజ్ఞే మధుర్నామ మహాసురః॥ 12-206-17(73196)
తముగ్రముగ్రకర్మాణముగ్రాం బుద్ధిం సమాస్థితం।
బ్రహ్మణోపచితిం కుర్వంజఘాన పురుషోత్తమః॥ 12-206-18(73197)
తస్య తాత వధాత్సర్వే దేవదానవమానవాః।
మధుసూదనమిత్యాహుర్ఋషభం సర్వసాత్వతాం॥ 12-206-19(73198)
బ్రహ్మాఽనుససృజే పుత్రాన్మానసాందక్షసప్తమాన్।
మరీచిమత్ర్యంగిరసౌ పులస్త్యం పులహం క్రతుం॥ 12-206-20(73199)
మరీచిః కశ్యపం తాత పుత్రమగ్రజమగ్రజః।
మానసం జనయామాస తైజసం బ్రహ్మవిత్తమం॥ 12-206-21(73200)
అంగుష్ఠాత్ససృజే బ్రహ్మా మరీచేరపి పూర్వజం।
సోఽభవద్భరతశ్రేష్ఠ దక్షో నామ ప్రజాపతిః॥ 12-206-22(73201)
తస్య పూర్వమజాయంత దశ తిస్రశ్చ భారత॥
ప్రజాపతేర్దుహితరస్తాసాం జ్యేష్ఠాఽభవద్దితిః॥ 12-206-23(73202)
సర్వధర్మవిశేషజ్ఞః పుణ్యకీర్తిర్మహాయశాః।
మారీచః కశ్యపస్తాత సర్వాసామభవత్పతిః॥ 12-206-24(73203)
ఉత్పాద్య తు మహాభాగస్తాసామవరజా దశ।
దదౌ ధర్మాయ ధర్మజ్ఞో దక్ష ఏవ ప్రజాపతిః॥ 12-206-25(73204)
ధర్మస్య వసవః పుత్రా రుద్రాశ్చామితతేజసః।
విశ్వేదేవాశ్చ సాధ్యాశ్చ మరుత్వంతశ్చ భారత॥ 12-206-26(73205)
అపరాశ్చ యవీయస్యస్తాభ్యోఽన్యాః సప్తవింశతిః।
సోమస్తాసాం మహాభాగః సర్వాసామభవత్పతిః॥ 12-206-27(73206)
ఇతరాస్తు వ్యజాయంత గంధవోస్తురగాంద్విజాన్।
గాశ్చ కింపురుషాన్మత్స్యానుద్భిజ్జాంశ్చ వనస్పతీన్॥ 12-206-28(73207)
ఆదిత్యానదితిర్జజ్ఞే దేవశ్రేష్ఠాన్మహాబలాన్।
తేషాం విష్ణుర్వామనోఽభూద్గోవిందశ్చాభవత్ప్రభుః॥ 12-206-29(73208)
తస్య విక్రమణాచ్చాపి దేవానాం శ్రీర్వ్యవర్ధత।
దానవాశ్చ పరాభూతా దైతేయాశ్చాసురీ ప్రజా॥ 12-206-30(73209)
విప్రచిత్తిప్రధానాంశ్చ దానవానసృజద్దనుః।
దితిస్తు సర్వానసురాన్మహాసత్వానజీజనత్॥ 12-206-31(73210)
`తతః ససర్జ భగవాన్మృత్యుం లోకభయంకరం।
హర్తారం సర్వ భూతానాం ససర్జ చ జనార్దనః॥ 12-206-32(73211)
అహోరాత్రం చ కాలం చ యథర్తు మధుసూదనః।
పూర్వాహ్ణం చాపరాహ్ణం చ సర్వమేవాన్వకల్పయత్॥ 12-206-33(73212)
లబ్ధ్వాపః సోఽసృజన్మేఘాంస్తథా స్థావరజంగమాన్।
పృథివీం సోఽసృజద్విశ్వాం సహీతాం భూరితేజసా॥ 12-206-34(73213)
తతః కృష్ణో మహాభాగః పునరేవ యుధిష్ఠిర।
బ్రాహ్మణానాం శతం శ్రేష్ఠం ముఖాదేవాసృజత్ప్రభుః॥ 12-206-35(73214)
బాహుభ్యాం క్షత్రియశతం వైశ్యానామూరుతః శతం।
పద్భ్యాం శూత్రశతం చైవ కశేవో భరతర్షభ॥ 12-206-36(73215)
స ఏవం చతురో వర్ణాన్సముత్పాద్య మహాతపాః।
అధ్యక్షం సర్వ భూతానాం ధాతారమకరోత్స్వయం॥ 12-206-37(73216)
వేదవిద్యావిధాతారం బ్రహ్మాణమతితద్యుతిం।
భూతమాతృగణాధ్యక్షం విరూపాక్షం చ సోఽసృజత్॥ 12-206-38(73217)
శాసితారం చ పాపానాం పితృణాం సమవర్తినం।
అసృజత్సర్వభూతాత్మా నిధిపం చ ధనేశ్వరం॥ 12-206-39(73218)
యాదసామసృజన్నాథం వరుణం చ జలేశ్వరం।
వాసవం సర్వదేవానామధ్యక్షమకరోత్ప్రభుః॥ 12-206-40(73219)
యావద్యావదభూచ్ఛ్రద్ధా దేహం ధారయితుం నృణాం।
తావత్తావదజీవంస్తే నాసీద్యమకృతం భయం॥ 12-206-41(73220)
న చైషాం మైథునో ధర్మో బభూవ భరతర్షభ।
సంకల్పాదేవ చైతేషాం గర్భః సముపపద్యతే॥ 12-206-42(73221)
తతస్రేతాయుగే కాలే సంస్పర్శాజ్జాయతే ప్రజా।
న హ్యభూన్మైథునో ధర్మస్తేషామపి జనాధిప॥ 12-206-43(73222)
ద్వాపరే మైథునో ధర్మః ప్రజానామభవన్నృప।
తథా కలియుగే రాజంద్వంద్వమాపేదిరే జనాః॥ 12-206-44(73223)
ఏష భూతపతిస్తాత స్వధ్యక్షశ్చ తథోచ్యతే।
నిరపేక్షాంశ్చ కౌంతేయ కీర్తయిష్యామి తచ్ఛృణు॥ 12-206-45(73224)
దక్షిణాపథజన్మానః సర్వే కరభృతస్తవ।
ఆంధ్రాః పులిందాః శవరాశ్చూచుపా మద్రకైః సహ॥ 12-206-46(73225)
ఉత్తరాపథజన్మానః కీర్తయిష్యామి తానపి।
యే తు కాంభోజగాంధారాః కిరాతా బర్వరైః సహ॥ 12-206-47(73226)
ఏతే పాపకృతస్తాత చరంతి పృథివీమిమాం।
బకశ్వపాకగృధ్రాణాం సధర్మాణో నరాధిప॥ 12-206-48(73227)
నైతే కృతయుగే తాత చరంతి పృథివీమిమాం।
త్రేతాప్రభుతి వర్ధంతే తే జనా భరతర్షభ॥ 12-206-49(73228)
తతస్తస్మిన్మహాఘోరే సంంధ్యాకాలే యుగాంతికే।
రాజానః సమసజ్జంత సమాసాద్యేతరేతం॥ 12-206-50(73229)
`ఐంద్రం రూపం సమాస్థాయ హ్యసురేభ్యో చరన్మహీం।
స ఏవ భగవాందేవో వేదిత్వం చ గతా మహీ॥ 12-206-51(73230)
ఏవంభూతే సృష్టిర్నారసింహాదయః క్రమాత్।
ప్రాదుర్భావాః స్మృతా విష్ణోర్జగతీరక్షణాయ వై॥ 12-206-52(73231)
ఏష కృష్ణో మహాయోగీ తత్తత్కార్యానురూపణం।
హిరణ్యకశిపుం దైత్యం హిరణ్యాక్షం తథైవ చ॥ 12-206-53(73232)
రావణం చ మహాదైత్యం హత్వాసౌ పురుషోత్తమః।
భూమేర్దుఃఖోపనాశార్థం బ్రహ్మశక్రాదిభిః స్తుతః॥ 12-206-54(73233)
ఆత్మనోఽంగాన్మహాతేజా ఉద్వబర్హ జనార్దనః।
సితకృష్ణౌ మహారాజ కేశౌ హరిరుదారధీః॥ 12-206-55(73234)
వసుదేవస్య దేవక్యామేష జాత ఇహోత్తమః।
దేహవానిహ విశ్వాత్మా సంబంధీ తే జనార్దనః॥ 12-206-56(73235)
ఆవిర్వభూవ యోగీంద్రో మనోతీతో జగత్పతిః।
అచింత్యః పురుషవ్యాఘ్ర నైవ కేవలమానుషః॥ 12-206-57(73236)
అవ్యక్తాదివిశేషాంతం పరిమాణార్థసంయుతం।
క్రీడా హరేరిదం సర్వం క్షరమిత్యేవ ధార్యతాం॥ 12-206-58(73237)
అక్షరం తత్పరం నిత్యం వైరూప్యం జగతో హరేః।
తద్విద్ధి రూపమతులమమృతత్వం భవజ్జితం॥ 12-206-59(73238)
తదేవ కృష్ణో దాశార్హః శ్రీమాఞ్శ్రీవత్సలక్షణః।
న భూతసృష్టిసంస్థానం దేహోఽస్య పరమాత్మనః॥ 12-206-60(73239)
దేహవానిహ యో విష్ణురసౌ మాయామయో హరిః।
ఆత్మనో లోకరక్షార్థం ధ్యాహి నిత్యం సనాతనం॥ 12-206-61(73240)
అంగాని చతురే వేదా మీమాంసా న్యాయవిస్తరః।
ఇతిహాసపురాణాని ధర్మాః స్వాయంభువాదయః॥ 12-206-62(73241)
య ఏనం ప్రతివర్తంతే వేదాంతాని చ సర్వశః।
భక్తిహీనా న తైర్యాంతి నిత్యమేనం కథంచన॥ 12-206-63(73242)
సర్వభూతేషు భూతాత్మా తత్తద్బుద్ధిం సమాస్థితః।
తస్మాద్బుద్ధస్త్వమేవైనం ధ్యాహి నిత్యమతంద్రితః॥' 12-206-64(73243)
ఏవమేష కురుశ్రేష్ఠ ప్రాదుర్భావో మహాత్మనః।
ఏవం దేవర్షిరాచష్ట నారదః సర్వలోకదృక్॥ 12-206-65(73244)
నారదోఽప్యథ కృష్ణస్య పరం మేనే నరాధిప।
శాశ్వతత్వం మహాబాహో యథావద్భరతర్షభ॥ 12-206-66(73245)
ఏవమేవ మహాబాహుః కేశవః సత్యవిక్రమః।
అచింత్యః పుండరీకాక్షో నైష కేవలమానుషః॥ 12-206-67(73246)
`ఏవంవిధోఽసౌ పురుషః కో వైనం వేత్తి సర్వదా।
ఏతత్తే కథితం రాజన్భూయః శ్రోతుం కిమిచ్ఛసి'॥ ॥ 12-206-68(73247)

ఇతి శ్రీమన్మహాభారతే శాంతిపర్వణి మోక్షధర్మపర్వణి షడధికద్విశతతమోఽధ్యాయః॥ 206॥

Mahabharata - Shanti Parva - Chapter Footnotes

12-206-1 కర్తారమమృతం విష్ణుమితి డ. థ. పాఠః॥ 12-206-25 తతస్త్వరజసో దశేతి డ. థ. పాఠః॥ 12-206-28 ద్విరదాంశ్చ వనస్పతీనితి డ. పాఠః। విశదాంశ్చ వనస్పతీనితి ధ. పాఠః। ఇతరాః కశ్యపస్త్రియః। వ్యజాయంత వ్యజనయంత॥ 12-206-35 శతమనంతం॥ 12-206-39 సమవర్తినం యమం॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.